ភ្នំពេញ.នៅរសៀលថ្ងៃទី 26 ខែវិច្ឆិកាឆ្នាំ 2022 នេះ ក្រោយពីអង្គភាពសារព័ត៌មានព្រុំសុជា ហតញ៉ូស៍ចុះផ្សាយពាក់ព័ន្ធករណីល្បែងស៊ីសង ជល់មាន់ និង អាប៉ោងដែលស្ថិតនៅក្នុងបុរីជ័យជំនះ ភូមិដំណាក់ធំបី សង្កាត់ស្ទឹងមានជ័យទី 3 ខណ្ឌមានជ័យ រាជធានីភ្នំពេញ ប្រហែលជា 10 នាទីក្រោយមក លោកឯមភារីនាយប៉ុស្តិ៍នគរបាលរដ្ឋបាលសង្កាត់ស្ទឹងមានជ័យទីបី បានដឹកនាំកម្លាំងមន្ត្រីប៉ុស្តិ៍ក្រោមឱវាទបានចុះទៅដល់ទីតាំងភ្លាម ។
ពេលទៅដល់ទីតាំងឃើញថាក្រុមពួកអ្នកញៀនល្បែងជល់មាន់ក៏រត់ជាន់ជើងគ្នាព្រាតសល់តែដីលីង។
ហើយលោកឯមភារី នាយប៉ុស្តិ៍នគរបាលរដ្ឋបាលសង្កាត់ស្ទឹងមានជ័យទីបី បានប្រាប់មកអង្គភាពសារព័ត៌មានព្រុំសុជាហតញ៉ូ តាមប្រព័ន្ធ TeLegram ថាមិនមែនជា ឆ្នាំងបាយ ហើយក៏មិនមែនលោកឱ្យបើកដែរ ដោយសារពួកក្រុមអ្នកញៀនល្បែងទាំងអស់នោះលួចលេងមួយគូពីគូទេ។
ហើយលោកឯមភារីបានបន្តទៀតថា ក៏សូមអរគុណទៅដល់បងប្អូនអ្នកសារព័ត៌មានដែលបានធ្វើការសហការជាមួយប៉ុស្តិ៍នគរបាលរដ្ឋបាលសង្កាត់ស្ទឹងមានជ័យទីបី។
ជាចុងក្រោយលោកឯមភារីនាយប៉ុស្តិ៍នគរបាលរដ្ឋបាលសង្កាត់ស្ទឹងមានជ័យទីបី សុំសំណូមពរទៅដល់បងប្អូនអ្នកសារព័ត៌មានបន្តសហការជាមួយប៉ុស្តិ៍នគរបាលសង្កាត់ស្ទឹងមានជ័យទីបីជាពិសេសប្រជាពលរដ្ឋទាំងអស់បើឃើញក្រុមពួកអ្នកញៀនល្បែងជល់មាន់ទាំងអស់នោះកំពុងតែជល់ សុំរាយការណ៍មកប៉ុស្តិ៍ជាបន្ទាន់។លោកនឹងបង្ក្រាបនិងរកមុខសញ្ញាឲ្យឃើញក្រុមពួកអ្នកញៀនល្បែងទាំងអស់នោះ ដើម្បីយកមកផ្ដន្ទាទោសទោសតាមផ្លូវច្បាប់















