ទីតាំងល្បែងស៊ីសងសង្វៀនជល់មាន់ កំពុងបើកដំណើរការលេងយ៉ាងគគ្រឹកកគគ្រេងក្នុងទឹកដីឃុំស្វាយភ្លោះ ស្រុកពាមជរ អាជ្ញាធរក្នុងមូលដ្ឋានរក្សាភាពស្ងៀមស្ងាត់???
(ខេត្តព្រៃវែង)៖ ទីតាំងល្បែងស៊ីសងសង្វៀនជល់មាន់ខុសច្បាប់មួយកន្លែងស្ថិតនៅក្នុងភូមិសង្គ្រោះ ឃុំស្វាយភ្លោះ ស្រុកពានជរ ខេត្តព្រៃវែង កំពុងបើកដំណើរការលេងយ៉ាងគឃ្លើនក្នុងទឹកដីឃុំស្វាយភ្លោះគ្មានអាជ្ញាធរមានសមត្ថកិច្ចក្នុងមូលដ្ឋានចុះទប់ស្កាត់ធ្វើការបង្ក្រាបឡើយ។ គួររំលឹកផងថា តាមប្រសាសន៍ដ៏ខ្ពង់ខ្ពស់របស់់សម្តេចតេជោ ហ៊ុន សែន នៅថ្ងៃទី១៧ ខែកញ្ញា ឆ្នាំ២០២២កន្លងផុតនេះ សម្តេចតេជោ បានដាក់បញ្ជាយ៉ាងដាច់ណាត់ថា សមត្ថកិច្ចពាក់ព័ន្ធ ក៏ដូចអាជ្ញាធរមូលដ្ឋាន ត្រូវបង្ក្រាបឱ្យអស់នូវល្បែងសងខុសច្បាប់គ្រប់ប្រភេទក្នុងមូលដ្ឋានរបស់ខ្លួន ហើយថែមបញ្ជាក់ទៀតថាបើខេត្តក្រុងស្រុកណាមានល្បែងសុីសងកើតមាន ចៅហ្វាយខេត្តក្រុងស្រុកនោះនឹងត្រូវប្រឈមនឹងការដកពីតំណែងថែមទៀតផង…ប្រជាពលរដ្ឋក៏ដូចជាមជនកំពុងតែរង់ចាំមើលថា តើទីតាំងបើកលេងល្បែងស៊ីសងខុសច្បាប់ សង្វៀនជល់មាន់តើអាជ្ញាធរមានសមត្ថកិច្ចពាក់ព័ន្ធហ៊ានបង្ក្រាបទីតាំងល្បែងសុីសងនេះទេ តើអាជ្ញាធរក្នុងស្រុកពាមជរគោរពនឹងបទបញ្ជារបស់ សម្ដេចអគ្គសេនាបតីតេជោ ហ៊ុនសែន ដែឬទេ?
ប្រជាពលរដ្ឋរស់នៅក្នុង ភូមិសង្គ្រោះ ឃុំស្វាយភ្លោះ សូមអំពាវនាវទៅដល់លោក ជា សុមេធី អភិបាលនៃគណៈអភិបាលព្រៃវែង និងលោកព្រំសន្ធរ ស្នងការនគរបាលខេត្តព្រៃវែង សូមលោកជួយត្រួតពិនិត្យនឹងដាក់បទបញ្ជាទៅលើអាជ្ញាធរក្នុងឃុំស្វាយភ្លោះ ស្រុកពាមជរ ធ្វើការចុះទប់ស្កាត់និងបង្ក្រាបទៅលើទីតាំងខាងលើនេះផងទាន ដើម្បីឲ្យស្របតាមបទបញ្ជារបស់សម្ដេចតេជោ ហ៊ុនសែន នឹងគោរពតាមគោលនយោបាយភូមិឃុំមានសុវត្ថិភាពទាំង 7 ចំណុចរបស់ក្រសួងមហាផ្ទៃ៕សូមអរគុណ!


