ស្លាប់ម្នាក់ករណីគ្រោះថ្នាក់ចរាចរណ៍រថយន្តព្រុសព្រលះគ្នាជាមួយម៉ូតូ
ខេត្តព្រៃវែង:មនុស្សម្នាក់បានស្លាប់ភ្លាមៗ នៅនឹងកន្លែងកើតហេតុ ក្នុងករណីគ្រោះថ្នាក់ចរាចរណ៍ដ៏រន្ធត់មួយរវាងរថយន្តម៉ាក់ព្រុស នឹងម៉ូតូ ដែលធ្វើដំណើរក្នុងទិសដៅបញ្រ្ចាសទិសគ្នា។ ហេតុការណ៍នេះបានកើតឡើងនៅវេលាម៉ោង០៨ និង៣០នាទីយប់ថ្ងៃទី២៥ខែឧសភា២០២៣ ស្ថិតនៅតាមបណ្តោយផ្លូវជាតិលេខ8Aស្ថិតនៅភូមិពោធិជ្រៃ ឃុំស្វាយអន្ទរ ស្រុកស្វាយអន្ទរ ខេត្តព្រៃវែង។តាមប្រភពព័ត៌មានបានឲ្យដឹងថា នៅមុនកើតហេតុរថយន្តបង្កម៉ាកព្រុសពណ៌សរ ពាក់ស្លាកលេខភ្នំពេញ2AQ-2020 ម្ចាស់ឈ្មោះ ហួ ផល្លា អាយុ31ឆ្នាំ បច្ចុប្បន្ននៅឃុំបាក់ខែង ស្រុកមុខកំពូល ខេត្តកណ្ដាល បានបើកបរយ៉ាងលឿន ហើយក៏បើកវ៉ាជែងចូលជ្រុលទៅឆ្វេងដៃ ក៏បុកគ្នាពេញទំហឹងជាមួយម៉ូតូជនរងគ្រោះខណៈដែលកំពុងធ្វើដំណើរបញ្រ្ចាសទិសគ្នា បណ្តាលឲ្យជនរងគ្រោះស្លាប់ភ្លាមៗនៅកន្លែងកើតហេតុ។
ជនរងគ្រោះឈ្មោះ ភឿន ចំរើន ភេទប្រុសអាយុ២២ឆ្នាំ ម៉ូតូម៉ាកC125ស្លាកលេខព្រៃវែង1T4197សេរី2020 បច្ចុប្បន្នរស់នៅភូមិជាខ្លាង ឃុំជាខ្លាង ស្រុកស្វាយអន្ទរ ខេត្តព្រៃវែង។ហើយបើតាមឱ្យដឹងពី លោក ឈុន សុឃឿន អធិការរងស្រុកស្វាយអន្ទរ ទទួលផែនចរាចរណ៍បានបញ្ជាក់ប្រាប់មកអង្គភាពគេហទំព័រ(ព្រុំសុជាហតញូស៍)ថារថយន្ត និងតៃកុងរថយន្ត ត្រូវបានកំលាំងមន្ត្រីសមត្ថកិច្ចជុំនាញ យកឡានមកស្ទូចដើម្បីយកទៅរក្សាទុកនៅអធិការដ្ឋាននគរបាលស្រុកស្វាយអន្ទរដើម្បីរងចាំការដោះស្រាយ។






