រដ្ឋបាលខណ្ឌដូនពេញមានបេីកកិច្ចប្រជុំ ក្រោមអធិបតីភាព លោកជា ខេមា អភិបាលខណ្ឌ ស្តីពីការពង្រឹងការងារ ដល់កម្លាំងការពារសណ្តាប់សាធារណៈរយៈការ៤ថ្ងៃ សម្រាប់ចូលឆ្នាំថ្មី ប្រពៃណីជាតិខ្មែរនាពេលខាងមុខ
ខណ្ឌដូនពេញ:នៅរសៀលថ្ងៃចន្ទ ១៥រោច ខែផល្គុន ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី០៨ ខែមេសា ឆ្នាំ២០២៤ វេលាម៉ោង ១៤:៣០នាទី នៅរដ្ឋបាលខណ្ឌដូនពេញ មានបេីកកិច្ចប្រជុំស្តីពីការពង្រឹងការងារ ដល់កម្លាំងសណ្តាប់ធ្នាប់ខណ្ឌគ្រប់គោលដៅ លើការងារការពារសន្តិសុខ សណ្តាប់ធ្នាប់របៀបរៀបរយសាធារណៈ និងអនាម័យ បរិស្ថាន ដើម្បីត្រៀមរៀបចំ “សង្ក្រាន្តវត្តភ្នំ” នៅរមណីយដ្ឋានវប្បធម៌ប្រវត្តិសាស្ត្រវត្តភ្នំ រយៈពេល០៤ថ្ងៃ ចាប់ពីថ្ងៃទី១៣ ដល់ ១៦ ខែមេសា ឆ្នាំ២០២៤ ក្រោមអធិបតីភាព លោក ជា ខេមា អភិបាល នៃគណៈអភិបាលខណ្ឌដូនពេញ ។ ក្នុងកិច្ចប្រជុំនោះផងដែរ លោក អភិបាលខណ្ឌ បានឧបត្ថម្ភនូវភេសជ្ជៈ និងថវិកាមួយចំនួន ដល់ប្រធាន-អនុប្រធានសណ្តាប់ធ្នាប់ខណ្ឌ និងប្រធានគោលដៅទាំង០៥ផងដែរ នាក្នុងឱកាសពិធីបុណ្យចូលឆ្នាំថ្មី ប្រពៃណីជាតិ ខ្មែរ ឆ្នាំរោង ឆស័ក ព.ស ២៥៦៨ គ.ស ២០២៤។







