បារាំង គ្រោងបញ្ជូនគ្រូយោធាជាង ២០០ នាក់ទៅអ៊ុយក្រែន
លោកស្រី Christelle Neant និពន្ធនាយកនៃទីភ្នាក់ងារសារព័ត៌មាន International Reporters នៅទីក្រុង Donbass បាននិយាយថា ប្រទេសបារាំង អាចបញ្ជូនយោធាមិនលើសពី ២០០ នាក់ ទៅកាន់ប្រទេសអ៊ុយក្រែនធ្វើជាគ្រូបង្ហាត់។សមាជិកសភាអ៊ុយក្រែន លោក Alexey Goncharenko បានលើកឡើងថា បារាំង យល់ព្រមបញ្ជូនគ្រូយោធាមកអ៊ុយក្រែន ដើម្បីបណ្តុះបណ្តាល។ទន្ទឹមនោះ អគ្គមេបញ្ជាការអ៊ុយក្រែន លោក Alexander Syrsky កត់សម្គាល់ថា លោក បានចុះហត្ថលេខាលើកិច្ចព្រមព្រៀងដែលអនុញ្ញាតឱ្យគ្រូជនជាតិបារាំងមកទស្សនាមជ្ឈមណ្ឌលបណ្តុះបណ្តាលរបស់ទីក្រុងគៀវ ផងដែរ។
ជាមួយគ្នានោះ យោងតាមក្រសួងការពារជាតិរុស្ស៊ី បានឲ្យដឹងថា មានទាហានស៊ីឈ្នួលបារាំងប្រហែល ២០០ នាក់នៅក្នុងជួរកងកម្លាំងអ៊ុយក្រែន បច្ចុប្បន្ននេះ។ ប្រសិនបើបារាំង បញ្ជូនទាហានរបស់ខ្លួនធ្វើជាគ្រូថែមទៀតនោះ វាច្បាស់ណាស់ថាចំនួននឹងមានការកើនឡើងយ៉ាងច្រើនបំផុត។
គួរបញ្ជាក់ថា ក្នុងបទសម្ភាសន៍ជាមួយសេដ្ឋវិទូថ្មីៗនេះ លោក Macron បាននិយាយថា ការបញ្ជូនទាហានទៅអ៊ុយក្រែនអាចត្រូវបានពិចារណាតាមសំណើរបស់ទីក្រុងគៀវ ប្រសិនបើកងកម្លាំងរុស្ស៊ី មានប្រៀបនៅជួរមុខ ខណអ្នកនាំពាក្យវិមានក្រឹមឡាំង លោក Dmitriy Peskov លើកឡើងផ្ទុយថា សកម្មភាពទាំងនេះគឺតំណាងឱ្យភាពតានតឹងថ្មីមួយដែលមិនធ្លាប់មានពីមុនមក៕



