ក្រឡាប់រថយន្តនៅស្រុកអូររាំងខេត្តមណ្ឌលគិរីស្លាប់ម្នាក់របួស២នាក់
ករណីក្រឡាប់រថយន្តនៅស្រុកអូររាំង ត្រូវសមត្ថកិច្ចត្រួតពិនិត្យឃើញថា មនុស្សម្នាក់បានស្លាប់ និង២នាក់ទៀត រងរបួសនៅក្នុងហេតុការណ៍ក្រឡាបរថយន្ត ហេតុការនេះបានកើតឡើង កាលពីព្រឹកថ្ងៃទី ១១ កក្កដា ២០២៤នេះ នៅលើកំណាត់ផ្លូវជាតិលេខ៧៦A ក្នុងភូមិអណ្តូងក្រឡឹង ឃុំសែនមនោរម្យ ស្រុកអូរាំង ខេត្តមណ្ឌលគីរី ។សមត្ថកិច្ចមូលដ្ឋានបានឲ្យដឹងថា រថយន្តដែលរងគ្រោះម៉ាក TACOMA ពណ៌ប្រផេះ ពាក់ផ្លាកលេខ ភ្នំពេញ 2AT-847 9 ។ពលរដ្ឋនៅក្បែកន្លែងកើតហេតុថា មិនដឹងមូលហេតុអ្វីរថយន្តនោះបានរេចង្កូតទៅបុកបង្កោលភ្លើង ហើយតូបលក់ដូរនៅក្បែរចិញ្ចើមផ្លូវ បណ្តាលឲ្យក្រឡាប់បាត់បង់ជីវិតស្ត្រីម្នាក់ និងរងរបួស ធ្ងន់ ២នាក់ ។
សមត្ថកិច្ចបានបង្ហាញទៀតថា ជនរងគ្រោះទាំងនោះមានស្រុក កំណើត នៅភូមិស្រឯម ឃុំចំបក់ ស្រុកបាទី ខេត្តតាកែវ ។ ក្រោយកើតហេតុសាកសពត្រូវបានបញ្ជូនយកទៅធ្វើបុណ្យតាមប្រពៃណី។
ចំណែករថយន្តត្រូវបានរក្សាទុកនៅអធិការដ្ឋាននគរបាលស្រុកអូររាំង ខេត្តមណ្ឌលគិរី៕






