បង្ក្រាបទីតាំងលួចលាក់លេងល្បែងស៊ីសងខុសច្បាប់ ឃាត់ខ្លួនមនុស្សប្រុសស្រី២០នាក់
ភ្នំពេញ៖ សមត្ថកិច្ច ខណ្ឌចំការមន សហការជាមួយនឹងកម្លាំងសមត្ថកិច្ចមូលដ្ឋាន កាលពីម៉ោង៨យប់ ថ្ងៃទី១ ខែកក្កដា ឆ្នាំ២០២៤ ជិតស្ពានហង្សកោះពេជ្រ សង្កាត់ទន្លេបាសាក់ ចុះបង្ក្រាបទីតាំងមួយកន្លែងបង្កប់ល្បែងស៊ីសង ដោយបានធ្វើការឃាត់មនុស្សប្រុសស្រីចំនួន២០នាក់ ក្នុងនោះមានស្រី៧នាក់ ប្រុស១៣សុទ្ធតែជនជាតិចិននិងខ្មែរ។ ដោយមានការរាយការណ៍ ពីប្រជាពលរដ្ឋថាមានបង្កប់ល្បែងស៊ីសងជាប្រភេទ ហ្គេមបាញ់ត្រី និងល្បែង ផ្សេងៗទៀត ប្រៀបដូចកាស៊ីណូទៅហើយ ដូចនេះហើយនៅយប់ថ្ងៃកើតហេតុ សមត្ថកិច្ចចម្រុះ ឆ្មក់បង្ក្រាបទីតាំងខាងលើ ដោយបានធ្វើការឃាត់បានមនុស្សប្រុសស្រី ចំនួន២០នាក់ មានជនបរទេសជនជាតិចិននិងខ្មែរ និងបានដកហូតវត្ថុតាងមួយចំនួនដែលដំណើរការអោយល្បែងស៊ីសងនេះផងដែរ៕






