គេហទំព័រ ព្រំុ សុជា ហតញូស៍ (www.psc-news.com) យើងខ្ញុំ សូមស្វាគម បងប្អូនប្រិយមិត្ត ទាំងអស់ដែលបានចូលរួមអានព័ត៌មានផ្សេងៗ នៅក្នុងគេហទំព័រយើងខ្ញុំ សូមគោពជូនពរដល់បងប្អូន អោយជួបប្រទះតែសេចក្តី សុខសេចក្តីចំរើនគ្រប់ៗគ្នា នឹងពុទ្ធពរទាំងឡាយ ៤ ប្រការគឺ៖ អាយុ វណ្ណៈ សុខៈ ពលៈ កំុបីឃ្លាងឃ្លៀតឡើយ ។ "សូមអរគុណ
ឯកឧត្តម ស៊ុយ សែម រដ្ឋមន្រ្តីក្រសួងរ៉ែ និង ថាមពល បានសម្ពោធដាក់ឲ្យប្រើប្រាស់ជាផ្លូវការ អគាររដ្ឋបាលថ្មី និងសមិទ្ធផលនានា របស់មន្ទីរ រ៉ែ និងថាមពល ខេត្តព្រៃវែង

គេហទំព័រ ចាស់ www.psc-news.com ប្តូទៅគេហទំព័រ ថ្មី www.promsochea-hotnews.com.kh
គេហទំព័រ www.psc-hotnews.com ដំណើការតាមប្រកាសលេខ ១៧៨ ព.ម ប្រក ចុះថ្ងៃទី១៣ ខែកក្កដា ឆ្នាំ២០២២ ។​ អាសយដ្ឋានទីស្នាក់ការអង្គភាពស្ថិតនៅតាមបណ្តោយផ្លូវលំ ក្នុងភូមិជ្រៃថ្មី ឃុំកោះរកា ស្រុកពាមជរ ខេត្តព្រៃវែង ។

ឯកឧត្តម ស៊ុយ សែម រដ្ឋមន្រ្តីក្រសួងរ៉ែ និង ថាមពល បានសម្ពោធដាក់ឲ្យប្រើប្រាស់ជាផ្លូវការ អគាររដ្ឋបាលថ្មី និងសមិទ្ធផលនានា របស់មន្ទីរ រ៉ែ និងថាមពល ខេត្តព្រៃវែង


ឯកឧត្តម ស៊ុយ សែម រដ្ឋមន្រ្តីក្រសួងរ៉ែ និង ថាមពល បានសម្ពោធដាក់ឲ្យប្រើប្រាស់ជាផ្លូវការ អគាររដ្ឋបាលថ្មី និងសមិទ្ធផលនានា របស់មន្ទីរ រ៉ែ និងថាមពល ខេត្តព្រៃវែង
ព្រៃវែង៖ នៅថ្ងៃទី ២០ ខែតុលា ឆ្នាំ២០២២ ឯកឧត្តម ស៊ុយ សែម រដ្ឋមន្ត្រីក្រសួង រ៉ែ និងថាមពល សម្ពោធដាក់ឲ្យប្រើប្រាស់ជាផ្លូវការ អគាររដ្ឋបាលថ្មី និងសមិទ្ធផលនានា របស់មន្ទីរ រ៉ែ និងថាមពល ខេត្តព្រៃវែង។

តាមរបាយការណ៍របស់លោក ជា កក្កដា ប្រធានមន្ទីររ៉ែ និងថាមពល បានបង្ហាញថា ក្រុមហ៊ុន/សហគ្រាសធ្វើអាជីវកម្មធនធានរ៉ែ រួមមាន៖
អាជីវកម្មរ៉ែថ្មសំណង់មាន០៦អាជ្ញាបណ្ណ, អាជីវកម្មបូមខ្សាច់សំណង់ និងដីល្បាយខ្សាច់មាន ១០ អាជ្ញាបណ្ណ,
លិខិតអនុញ្ញាតបូមខ្សាច់ចាក់បំពេញមាន ០១ទីតាំង (កំពង់ផែ), អាជីវកម្មជីកខ្សាច់ភ្នំមាន (ចេញដោយរដ្ឋបាលខេត្ត) ០៣ អាជ្ញាបណ្ណ, អាជីវកម្មដីចល័តមាន (ចេញដោយក្រុង-ស្រុក) ០៩ អាជ្ញាបណ្ណ។ អំពីការកៀរគរចំណូល៖ ក្នុងរយៈពេល៩ខែ ដើមឆ្នាំ២០២២ ការប្រមូលចំណូល ពីវិស័យធនធានរ៉ែ មានចំនួន ១,១៩៣,១៤៧.៩៧ ដុល្លាអាមេរិក ដែលលើសផែនការគ្រោងសម្រាប់ឆ្នាំ២០២២ ចំនួន ៧៨.៨២%។
សមិទ្ធផលការងារវិស័យប្រេងកាតខេត្តព្រៃវែង បច្ចុប្បន្នមានស្ថានីយចំនួន ៣៣៧ ស្ថានីយរួមមាន៖
ស្ថានីយប្រេងឥន្ធនៈមានចំនួន៣១៦ ស្ថានីយ
ស្ថានីយឧស្ម័នមានចំនួន០២ ស្ថានីយ
ស្ថានីយរួម ប្រេង និងឧស្ម័ន មានចំនួន ១៩ ស្ថានីយ
ក្នុងនោះស្ថានីយបានដាក់ពាក្យស្នើសុំ វិញ្ញាបនបត្របញ្ជាក់បច្ចេកទេសសុវត្ថិភាពស្ថានីយអនុញ្ញាតដំណើរការមានចំនួន ២៧០ស្ថានីយ ស្មើនឹង ៨០.១១%។ ស្ថិតិអាជីវកម្មហ្គាសខ្នាតតូចដែលមន្ទីរស្រង់បាន មានចំនួន ៥២មូលដ្ឋាន។  សមិទ្ធផលការងារវិស័យថាមពល ក្រុមហ៊ុនវិនិយោគអគ្គិសនីក្នុងខេត្តមានចំនួន ៣០ ក្រុមហ៊ុន/សេវាករ ដែលមានអាជ្ញាបណ្ណគ្របដណ្តប់ចំនួន ៩៩.៩១% នៃភូមិសរុប។ គិតត្រឹមឆ្នាំ ២០២១ ខ្នងផ្ទះប្រជាជន ដែលមានអគ្គិសនីប្រើប្រាស់ មានចំនួន ២២៨,៧៨២ខ្នង ស្មើនឹង៩០.៣% នៃខ្នងផ្ទះសរុប។

មានប្រសាសន៍ក្នុងឱកាសនោះ  ឯកឧត្តម ជា សុមេធី អភិបាលខេត្ត បានលើកឡើងថា ក្រោមការដឹកនាំដ៏ត្រឹមត្រូវរបស់រាជរដ្ឋាភិបាលកម្ពុជា ដែលមាន សម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី និងការជួយឧបត្ថម្ភគាំទ្រពីក្រសួង ស្តាប័នថ្នាក់ជាតិ ជាពិសេសក្រោមការចង្អុល ណែនាំផ្ទាល់ពី សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានក្រុម ការងារោរាជរដ្ឋាភិបាលចុះមូលដ្ឋានខេត្តព្រៃវែង និងខេត្តបាត់ដំបង រដ្ឋបាលខេត្តបានខិតខំប្រមូលផ្តុំ គំនិតស្មារតី ដឹកនាំអភិវឌ្ឍន៍ខេត្តឲ្យមានរីកចម្រើនជាបន្តបន្ទាប។ រួមទាំងការងារសន្តិសុខសណ្ដាប់ធ្នាប់សាធារណៈ និង សុវត្ថិភាពសង្គម ការងារសេដ្ឋកិច្ច និងជីវភាពប្រជាពលរដ្ឋ ការងារកសាងហេដ្ឋារចនាសម្ព័ន្ធរូបវ័ន្ធនានា និងការផ្តល់សេវាជូនប្រជាពលរដ្ឋស្របតាមគោលនយោបាយរបស់រាជរដ្ឋាភិបាល ពាក់ព័ន្ធនឹងវិស័យនានា ទាំងនៅថ្នាក់ខេត្ត និងថ្នាក់ ក្រុង ស្រុក ឃុំ សង្កាត់ ។

ឯកឧត្តម អភិបាលខេត្ត បន្តថា ក្នុងរយៈពេលប៉ុន្មានឆ្នាំកន្លងមកនេះ ខេត្តព្រៃវែង បានទទួលនូវសមិទ្ធផលថ្មីៗជាច្រើនពីរាជរដ្ឋាភិបាល គួរជាទីមោទនៈ ក្នុងនោះរួមមាន អាគាររដ្ឋបាលសាលាខេត្តថ្មី អគាររដ្ឋបាលសាលាក្រុង អគាររដ្ឋបាលមន្ទីរ ពាណិជ្ជកម្ម - មន្ទីរកិច្ចការនារី មន្ទីធម្មការ និងសាសនា មន្ទីរព័ត៌មាន មន្ទីរអប់រំ យុវជន និងកីឡា មន្ទីរសាធារណការ និងដឹកជញ្ចូន មន្ទីរសុខាភិបាល រូមមន្ទីរពេទ្យគ្រោងនឹងរៀបចំជាលក្ខណៈស្តង់ដារ សម្រាប់ពិនិត្យ និងព្យាបាលជូនប្រជាពលរដ្ឋ។

ថ្លែងនៅក្នុងឱកាសនោះ ឯកឧត្តម ស៊ុយ សែម រដ្ឋមន្ត្រីក្រសួង រ៉ែ និងថាមពល បានមានប្រសាសន៍ថា វិស័យ រ៉ែ   និងថាមពល និងប្រេងការ បានចូលរួមចំណែក យ៉ាងសំខាន់ក្នុងការអភិវឌ្ឍន៍ប្រទេសជាតិ និងបានផ្ដល់ភាពងាយស្រួលជូនប្រជាពលរដ្ឋប្រើប្រាស់ក្នុងជីវភាព ប្រចាំថ្ងៃ។ ជាក់ស្តែង ប្រជាពលរដ្ឋទូទាំងប្រទេសមានអគ្គិសនីប្រើប្រាស់ស្ទើរគ្រប់ក្នុងផ្ទះ ប្រមាណជាង ៩៥%។

ឯកឧត្តមរដ្ឋមន្ត្រីក៏បាន បន្ថែមទៀតថា មន្ទី រ៉ែ និង ថាមពល គឺជាសេនាធិការរបស់រដ្ឋបាលខេត្ត ធ្វើយ៉ាងណា ត្រូវ ត្រួតពិនិត្យ និងចេញ អាជ្ញាប័ណ្ណ ឱ្យបានត្រឹមត្រូវ ដល់ម្ចាស់សហគ្រាស ក្រុមហ៊ុន ដែលទទួល បានអាជ្ញាប័ណ្ណក្នុងការប្រកបមុខរបរអាជីវកម្ម របស់ខ្លួន ត្រឹមត្រូវទៅតាមច្បាប់ ដែលបានកំណត់។

ឯកឧត្តម រដ្ឋមន្ត្រី ក៏សុំកោតសរសើរនិងវាយតម្លៃខ្ពស់ចំពោះការខិតខំប្រឹងប្រែងយកចិត្តទុកដាក់ របស់មន្ទីរ រ៉ែ និងថាមពល ខេត្តព្រៃវែងដែលបាន ធ្វើការងារអស់កម្លាំងកាយចិត្ត និងបានអនុវត្ត នៅតាមគោលការបែបបទរបស់ក្រសួងដែលបានដាក់ជូនបានយ៉ាងល្អប្រសើរ។

ឯកឧត្តម រដ្ឋមន្ត្រី ក៏បានលើកឡើងបន្ថែមទៀតថា ជាមួយនឹងការទទួលបាននូវសមិទ្ធផលថ្មីៗដែលរាជរដ្ឋាភិបាល បានផ្តល់ នូវអាគាររដ្ឋបាលថ្មីនេះ គឺដើម្បីសម្រួលដល់ការបំពេញការងារបានល្អប្រសើដល់មន្ត្រីរាជការនៃមន្ទីរ រ៉ែ និងថាមពលនេះ។ ហើយត្រូវយកចិត្តទុកដាក់ថែរក្សា នៅអគាររដ្ឋបាលនេះ ឲ្យបានយូរអង្វែង។

ឯកឧត្តម រដ្ឋមន្ត្រី ផ្តាំផ្ញើដល់មន្រ្តីនៃមន្ទីរ រ៉ែ និងថាមពល ត្រូវពង្រឹងការអនុវត្តតួនាទីភារកិច្ច និងការទទួលខុសត្រូវរបស់ខ្លួនដើម្បីឲ្យការអនុវត្តការងារប្រកបដោយប្រសិទ្ធភាព និងប្រសិទ្ធផល។  បង្កើនសាមគ្គីភាព ឯកភាពផ្ទៃក្នុងអង្គភាព និងបង្កើនទំនាក់ទំនងល្អជាមួយអង្គភាពពាក់ព័ន្ធ។

ឯកឧត្តម រដ្ឋមន្ត្រី ក៏បានពាក់នូវគ្រឿងឥស្សរៈយសដល់មន្ត្រីនៃមន្ទី រ៉ែ និងថាមពល ដែលជាការលើកទឹកចិត្តក្នុងការបំពេញការងារអស់រយៈពេលកន្លងមក និងបានអញ្ជើញកាត់ខ្សែបូដាក់ឲ្យប្រើប្រាស់នៅអគាររដ្ឋបាលថ្មីនេះជាផ្លូវការ នោះផងដែរ។

សូមបញ្ជាក់ផងដែរថា៖ អគាររដ្ឋបាលថ្មីនៃមន្ទី រ៉ែ និងថាមពល ដែលបានសម្ពោធថាឲ្យប្រើប្រាស់ជាផ្លូវការនេះមានទំហំ ២០ម៉ែត្រx ១០ ម៉ែត្រ, មានកម្ពស់ ២ ជាន់, មានបន្ទប់ធ្វើការចំនួន ៨ បន្ទប់, សាលប្រជុំ ១ , កន្លែងទទួលភ្ញៀវ ១, បន្ទប់ទឹក ៣ បន្ទប់, ខាងក្រោមអគារអាចដាក់រថយន្តបានចំនួន ៨ គ្រឿង,បាននាំពាក់ម៉ាស៊ីនត្រជាក់និងសង្ហារឹមសម្រាប់បំពេញការងាររួចរាល់៕

























Previous Post Next Post