ទីតាំងល្បែងសុីសងមាន់អនឡាញ ២កន្លែងក្នុងភូមិហាន់ជ័យលើ និង ភូមិហាន់ជ័យទី១ ក្នុងឃុំហាន់ជ័យ ស្រុកឆ្លូង បើកលេងយ៉ាងអនាធិបតេយ្យ អស់លោកអាជ្ញាធរក្នុងមូលដ្ឋាមិនបង្ក្រាប!!
ខេត្តក្រចេះ÷ ប្រជាពលរដ្ឋបានរាយការណ៍មកថា! មានទីតាំងល្បែងសុីសងមាន់អនឡាញ២កន្លែងនៅភូមិហាន់ជ័យលើ និង ភូមិហាន់ជ័យទី១ ក្នុងឃុំហាន់ជ័យ ស្រុកឆ្លូង ខេត្តក្រចេះ ក្រុមញៀនល្បែងប្រុសស្រី ក្មេងចាស់នាំគ្នាចូលលេងគគ្រឹកគគ្រេង រីឯ.អាជ្ញាធរនិងសមត្ថកិច្ចមូលដ្ឋាន នៅសម្ងំស្ងៀម មិនឃើញចុះបង្ក្រាប!ហេតុដូច្នេះហើយ ប្រជាពលរដ្ឋ ក៏ដូចជាមហាជន ទូទៅ សំណូមពរទៅដល់លោកវរសេនីយ៍ឯក ឆុង រ៉ាន់ អធិការស្រុកឆ្លូងនឹង លោកឧត្ដមសេនីយ៍ទោ អ៊ូ បុណ្ណា ស្នងការនគរបាលខេត្តក្រចេះ សូមជួយចាត់វិធានការតាមផ្លូវច្បាប់ ចំពោះ ទីតាំងល្បែងស៊ីសង ២កន្លែងស្ថិតក្នុងភូមិសាស្ត្រខាងលើនេះ។ស្របតាមគោនយោបាយភូមិ.ឃុំ.មានសុវត្ថិភាព ទាំង៧ចំណុច របស់រាជរដ្ឋាភិបាល ដែលបានកំណត់ និងដាក់ចេញអោយមន្ត្រីថ្នាក់ក្រោមជាតិ អនុវត្តទប់ស្កាត់ និងបង្ក្រាប! ទីតាំងល្បែងស៊ីសង គ្រប់ប្រភេទ កន្លងមកនោះ!។
សូមរំលឹកថា! ថ្មីៗនេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រ កម្ពុជា បានចេញបទបញ្ជាអោយ អភិបាលរាជធានី.ខេត្តទាំងអស់នូវទូទាំងប្រទេស ត្រួតពិនិត្យជាបន្ទាន់លើទីតាំងល្បែងផ្សងសំណាង សូមចាត់វិធានការបិទជាបន្ទាន់ និងរាយការណ៍ផ្ទាល់ជូន”សម្តេច”៕





